الثلاثاء، 30 نوفمبر 2010

Discovary Garden

.
الجو هالايام حدة عجيب وانصح الكل ان يستغله امس اتصلت على
.
ريلي قلتله لوسمحت الساعة تسع بالليل انت محجوز وابي اطلع معاك :)
.
قام يضحك ويقولي ليش الساعه 9 يعني !!!
.
ما أدري بس ودي اطلع اتمشى في الوقت بس بشرط ترى انا اللي راح اسوق السياره
.
بصراحة اخاف لما اقوله على المكان مايرضى يروح :)
.
المهم طلعنا وشوي والا احنا في مواقف ديسكفري مول ... سألني وليش يايبتنا اهني
.
اليهال مو معانا ؟
.
انزل والحين تشوف ، حبيت اقعد بالحديقة اللي يمه واتمشى بصراحة المكان حده هدوء
.
وقمه ان يكون الذهن صافي وانت تمشي وتستمتع بالجو :)
.
بس طبعا بعدها قالي تصدقين عاد انتي اكبر مينونه شلون يتلج الفكره بس صج
.
استانست بالهدوءوبعيد عن اللويه ومشكوره على الطلعه
.
رديت البيت وانا احس اني فريش ، جربوه المكان حلو هادي حق اللي يحب الهدوء
.
عندي طلب صغيرون وايد وايد
.
هالايام قاعده اعيش مناورات اقناع زوجي العزيز بالرجوع حق ساحة العمل
.
واني ارجع شغلي بعد الاستقاله والقعده بالبيت صارلي سنتين بصراحة تمللت
.
بس طبعا جواب الرفض للحين ملازم لسانه
.
ابي دعاوتكم لي ان يوافق
.

هناك 10 تعليقات:

  1. بالتوفيييج :)

    وعليكم بالعافيه

    ردحذف
  2. الله يزفقج و يكتبلج الصالح

    ردحذف
  3. عليكم بالعافية ..

    وموفقة يارب :)

    ردحذف
  4. عليكم بالعافية :)

    وياااااااااارب يوافق
    " هذي دعوة من القلب "

    ردحذف
  5. ارتفل

    الله يسلمك يارب وويوفق الجميع ، الله يعافيك

    ردحذف
  6. اميره عربية

    اللهم آمين يارب

    مشكوره حبيبتي على الدعوة

    ولج مثلها انشاء الله :*

    ردحذف
  7. Engineer A

    اللع يعافيج

    اجميعين انشاء الله :*

    ردحذف
  8. امواج

    الله يعافيج حبيبتي

    انشاء الله يارب ، تسلمين على الدعوة العسل مثلج

    :*

    ردحذف
  9. موفقة اوركيدة والله يكتبلج الخيرة بكل امورج

    اما سالفة حديقة الدسكفري فذكرتني بسالفة صارتلي بالماضي البعيد

    :)

    ردحذف
  10. جندوله العسل

    يسعدلي صباحج ، الله يسلمج يالغاليه أجمعين انشاء الله :*

    السالفة ماتصلح بوست ويك اند :)

    نهايه اسبوع حلوه:*

    ردحذف