مبروووووووووك يا أحلى عروس

.

كنا ننطر يوم الزوارة في بيت يدي الله يرحمة يوم الخميس من كل اسبوع

ونلعب بالحوش والصراخ شايل الفريج وكبرنا مع بعض وللحين

الحمد الله محافظين عليها لليوم بس تغير اليوم وصارت السبت

.

كبرت بينا وشفناها من الروضة لغاية الحين لماتخرجت من الجامعة الكورس اللي طاف !

واحتفلنا فيها وكانت امنيتنا حقها يلة بقى نشوفج عروس

:)

تضحك وتقول توة الناس ابي اشتغل أول واستانس بمعاشي :)

.

وبعد شهر واحد من وقت تخرجها لغاية السبت

27/2/2010

كان يوم فرحتنا وفرحنا فيها وزفيناها حق معرسها

.

قعدت يمها بالكوشة وقتله ها وين كلامج ؟

ردت علي تعبت وانا انطر الوظييفة قلت اتزوج احسن

لوووووووووووووووووووووول

.

هذي كانت الصغيرة والدلوعة وصارت عروس

تصدقون قاعدة اكتب البوست وطول الليل افكر فيها بس ماسكة

نفسي وما ابي ادق عليها بس يربي احاتيها ونايمة عند امي

طول الليل مانامت تقول شلون ماراح اسمع صوتها واشوفها في البيت

.

اكسرت خاطري

.

الفال انشاء الله حق اللي ماتزوجو يرزقهم يارب الزوج والذرية الصالحة

:)

.

مبروك عيدج يا أحلى بلد ياكويت

.

مبرووووووك عليكم العيد وفرحة الاستقلال والتحرير

يارب يديم علينا الامن والامان والفرح انشاء الله على طول

ويحفظ الكويت من كل شر

.

هذي بعض صور الاحتفال في الخيران بأول اليوم

مركبينا البجي ودازين الصورة حقي والله وقفوا قلبي

جنة الصج :)

هذا الجبل احبة بس كل سنة ورا سنة قاعد ينقرض ويصغر
لوووووووووووووووول
.



اهني الصبح على البحر

شدني غرور الحمامة وشلون واقفة :)

بعض الشباب بالمسيرة وانا قاعدة اصور والا واحد يأشرلي

طلع ريلي معاهم وانا اصلا مو مثبته :)

.

بيت الحمولة ....

بين فترة وفترة نلتقي انا وصديقاتي على العشا في أي مكان نتفق عليه

في هالمرة حبيت أسويها عندي لان يصادف عيد ميلاد وحدة منهم

وكان الشرط الحضور بالزي التنكري ويكون مضحك :)

.

الحفلة كانت وايد حلوة ومتنى من الضحك والوناسة

بصراحة بدعو باللبس

.

بس في آخر الحفلة قعدنا نسولف وحدة منهم طرحت موضوع بيت حمولتها

وشلون هي متضايقة من اهتمام زوجها فيهم مع العلم انه وحيدهم وحاط باله على امه وخواته

.

دخلت معاها بنقاش لان ماعجبني اسلوبها لان اهل زوجها ذهب وما يذكرونها الابالخير مع ان هي مقصرة من ناحيتهم

.

وقعدت اقولها انا اقرب مثال عندها ماودي اطلع من بيت عمي قاعدة افكر شلون اخليهم بروحهم

ردت علي بعصبية انتي غير ما أدري شلون متحملة !

.

ما حبيت اناقشها اكثر لان حسيتها ماراح تغير اللي براسها وانها بس ودها تتملك زوجها

.

السؤال اللي ماني لاقيتله اجابه :

ليش بعض الحريم مايحبون بيت الحمولة حتى لوكانوا زينين وشايلينهم على كفوف الراحة ؟

.

بيروت دائما الأجمل

.

رحلتي حق بيروت كانت الأجمل هالمرة حسيتها غير والجو كان وايد عجيب وصافي

والحمد الله ماحاشتنا العاصفة الا آخر يوم انتو شلونكم بشروني عنكم

:)

.

فريا

.
الروشة
.





محمية الأرز
.

شتاء بيروت

الثلج واحنا راحين الجبل

.

وهني في رحلتنا حق قلعة بيت الدين

.