الخميس، 25 مارس 2010

الجنة والحماة

حماة مو راضية بعروس ولدها ومو حابتها وقفت جدامها بالعرس وقالت :
.
آويها يلي قاعدة جنب ابني
آويها ما فيكي شي عاجبني
آويها هلا بتقولي حبني
آويها بكرة بتقولي كبني
آويها وإن ما مشيتي دغري
آويها لتلاقي بيت الضره مبنى
لي لي لي لي ليش ..................
.
.
ردت عليها العروس وقالت :
.
آويها وحيان شالك وشنشالك
آويها بعد اسبوع لأفضالك
آويها وانشاء الله فال الله ولا فالك
وآويها وداء الفالج جالك
آويها لأشغل بالك وانهب مالك
آويها وابنك مابيهنالك
آويها وبعدها لفرجيكي حالك
لي لي لي لي ليش.........
والله الجنة طلعت مو هينة بعد
:))))
.
نهـــــــــــايه اسبوع سعيـــــــــــدة

الاثنين، 22 مارس 2010

دلال


.

تتذكرون هذي الدعاية

:)

السبت، 20 مارس 2010

نيولوك اوركيييييييييده

بررررررررربل
.
مشكووووووووووووووووره
.
THANKFULLY
.
PERFORTUNLLY
.
AFORTUNADAMENTE
.
خوسبختانه
.
يسلمو حياتي تأبري ألبي
.
هذي مشكورة بكل اللغات اللي أعرفها وتسلم
.
ايدج يابختي نك يديد ولوك يديد
.
شرايكم باللوك :)
.

الخميس، 18 مارس 2010

وداعا دمعة المقهور


قصة دمعة المقهور معاي من بدى الشريط والاغنية حبيت كلماتها والكل عرفني فيه كان نكي في بلوتوث التلفون اول ما طلعو والمسنجر بصراحة دخلت عالم المدونات لما كنت اشوف حماتي متابعة مدونة الغالية جندل وتابعتها عن طريجها وحبيت اعلق واشارك واحنا قاعدين يله شنو نسجل وطلع النك .

والحين تحت رغبة الزين - المقوع الشرقي - ارتفل
.
قررت اغيره وبناء على رغبة الجمهور ومن عشقي حق ورده الاوركيد قررت يكون نكي الحين
الاوركيــــــــــــــــــــدة

انشاء الله عجبكم وراضيين عنه :)


الأحد، 14 مارس 2010

ســـــــــــــــالي



قاعدة بروحي ومندمجة بالتلفزيون واسمع صوتهم ينادوني بنتي وزوجي كل واحد فيهم يسأل الثاني هو يقولها وين ماما وهي تقوله بابا انا اسأل اول وين ماماتي وانا ساكته :))
فجأه يبطلول باب غرفتهم والا انا قاعدة اطالع سالي (رسوم الكارتون اذا تذكرونه)
ويقعد هو وبنته ميتين علي من الضحك طالعتهم قتلهم وايد شكلي يضحك يعني !
قالي لا بس ماتوقعنا مجابله من صج ومتابعة ومتأثر ردتي علي بنتي ماما هذا مال بيبي ليش تشوفينا؟
ميخالف الكبار والصغار يشوفونه ، لا ليش لما اطالع شي تقولين قومي والا فريه هذا مال كبار
قعدت اطالعها ومارديت توهقت ،ريلي قال يله فجي عمرج الحين انا بروح العب مع اخوانج تروحين معاي
يعني بغير الموضوع وهي طالعة قالتلي خلاص ماما انا راح اطالع بعد افلام الكبار !
بدون تعليق والله جيل ماينقدر عليه .
بصراحة احس بمتعة كبيرة وانا اطالع سالي والا فلونة احسن من افلام الكرتون اللي الحين مافيهم متعة غير الطق أول كان فيهم هدف ويعلمون وايد اشياء
.
للحين ريلي يعايرني ويقول حق خالتي وينج يمه صار عندنا بيبي كبير واحنا ماندري
بس عقب مافهمت خالتي القصة ترد عليه بيبي عود بس حلو احلى من كل اليهال
لووووووووووووووول

الخميس، 11 مارس 2010

أوان

.
انا مو من عادتي اقرا جريدة غير الوطن بس بالصدفة شفت جريدة اوان
محطوطة على الطاولة قلت خل اتسلى فيها لغاية الغدا وقريت هالخبر وطارت عيني ؟

الخبر يقول والحدث صاير في لندن :

علمت انها حامل .. قبل الولادة بساعاااااااااااااااااات !!!

شخص اطباء في بريطانيا إصابة إمرأه على انها انتفاخ في الامعاء ولذا
قررت المضي في حياتها بشكل طبيعي ، ولم تعلم أن هذا الانتفاخ
ليس سوى حمل طبيعي ؟

مع العلم العلم انها اكملت حياتها الطبيعية وتعرضت لعدة حوادث
ومارست الرياضة العنيفه لكنها راجعت المستشفى بعد احساسها
بآلام حاده في منطقة البطن لم يتوقف خطأ عند هذا الحد ردوعلى
التشخيص القديم وعند خروجها من المستشفى
ب 3 ساعات ولدت بنتها وهي بصحة :)

شرايكم علشان موتقولون مستشفياتنا موزينة والتشخيص كله غلط !

بس الصراحة وناسة لو الحمال بكل هالسهولة بدون تعب ولا معاناه
فجأه والا انتي والدة لا تحسين بنسات ولا ثقل :)
.

الاثنين، 8 مارس 2010

ماما ابي كوكيز !!!


صارلي يومين اساحل النوم مساحل علشان أنام !
.
من غير شر ابونا مسافر وانا أذا سافر هذي حالتي
أمس غصب نمت وما وعيت الساعة 3:30 الصبح
والا بنتي ماما ابي كوكيز !
.
اي كوكيز الحيل روحي نامي وباجر الصبح اعطيج
وتتسدح علي والبجي بحاله هستيرية انزين يله امشي اعطيج
وتصرخ علي ما أبي ، اطالعها وانا حدي دايخة مسكت نفسي والا ياحياتي
تطلع مصخنة وماتدري شنو تبي ؟
واخذي دوا حرارة وكمادات وللحين مونايمة متقطعة ابي انام :(
.
ادق على ريلي يعني يواسي خلاص لما أرجع نامي علي كيفج وانا اقوله آخر مرة تسافر بروحك
:)
المصيبة متعلقة فيني مو راضية تروح حق أحد ألا أبي ماما
.
اقول حق خالتي بطلت ما أبي صير ماما لمدة يوم اتنازل وبعدين ارجع اصير امها
تضحك علي تقولي بعد شسوي بنتج موراضية !
.

الأربعاء، 3 مارس 2010

كيف تطبخين زوجك !

قريت هالوصفة قلت خلى افيد خواتي العزيزات بس لا يزعلون مني الرياييل

1- ضعي زوجك في قدر من الاهتمام والمحبة ( بس هدي النار شوي)

2- اسكبي عليه حنانك وعطفك ( بس ديري بالج لا يغرق وتبتلشين فيه)

3- ملحيه بقليل من الابتسامة ( خليها خفيفة علشان لايقول موصاحية )

4- حركي المزيج بقليل من الاعصاب الهادئة ( الشكوى لله بعد لازم تتحملين )

5- أحكميه بغطاء من الثقة المضغوطة ( علشان ينضج صح )

6- ولا تنسين اهم 5 بهارات ( لاتناقشين - لا تجادلين - لا تتكلمين - لا تطالبن - لا تعاتبين)


وانشاء الله لكم الاجر والثواب