.
هالاسبوع زارو ريلي وفد انجليزي وكنا مسويلهم جدول يشمل على اهم الاماكن بالكويت
.
ومن ضمنها جزيره فيلكا كنت وايد مشتاقة اني اروح واتذكر احلى الايام من عقب الغزو
.
مارحت :( وطلعنا من الكويت بالعباره الساعة 8 الصبح كان الجو وايد حلو خذت الرحلة
..
تقريبا ساعة ونص اول ماوصلنا وحطينا اغراضنا في الفندق ما كنت مصدق اللي شفتها
.
من دمار حق احلى الذكريات وايد عجبهم المكان وتحسفو على اللي شافوه وانا الغصة
..
ذابحتني لما شفت الشاليهات والبيوت القديمة شنو صاير فيها .......:(
.
صارلنا موقف خلانا ميتين من الضحك ، المتحف كان مسكر بس بحكم الخبرة بجميع
.
مداخل ومخارج الجزيرة كان في مدخل صوب البحر طبعا رحنا ودخلنا وصلت صوب المتحف
.
ادور اذا في باب مفتوح في البيت القديم الموجود وما اسمع الا صوت الحارس يقول ممنوع
.
يافندم انتو دخلتو من فين ؟ لا تشوفوني شلون قعدت اضحك وريلي يرد علي ليش رايحة
.
يشوفونا :) صج استانست حتى بيت يدي القديم موجود وهذي بعض الصور بس صج حسافه عليها :(
.ز
هالاسبوع زارو ريلي وفد انجليزي وكنا مسويلهم جدول يشمل على اهم الاماكن بالكويت
.
ومن ضمنها جزيره فيلكا كنت وايد مشتاقة اني اروح واتذكر احلى الايام من عقب الغزو
.
مارحت :( وطلعنا من الكويت بالعباره الساعة 8 الصبح كان الجو وايد حلو خذت الرحلة
..
تقريبا ساعة ونص اول ماوصلنا وحطينا اغراضنا في الفندق ما كنت مصدق اللي شفتها
.
من دمار حق احلى الذكريات وايد عجبهم المكان وتحسفو على اللي شافوه وانا الغصة
..
ذابحتني لما شفت الشاليهات والبيوت القديمة شنو صاير فيها .......:(
.
صارلنا موقف خلانا ميتين من الضحك ، المتحف كان مسكر بس بحكم الخبرة بجميع
.
مداخل ومخارج الجزيرة كان في مدخل صوب البحر طبعا رحنا ودخلنا وصلت صوب المتحف
.
ادور اذا في باب مفتوح في البيت القديم الموجود وما اسمع الا صوت الحارس يقول ممنوع
.
يافندم انتو دخلتو من فين ؟ لا تشوفوني شلون قعدت اضحك وريلي يرد علي ليش رايحة
.
يشوفونا :) صج استانست حتى بيت يدي القديم موجود وهذي بعض الصور بس صج حسافه عليها :(
.ز
.هذي البيوت والفرجان القديمه
.
.هذا بيت يدي القديم تتذكرون هالتلفزيون ؟
.
.
هذي الجمعية
.
.
شاليهات المشروعات السياحية
.
>
.
.هذي الجمعية
.
.شاليهات المشروعات السياحية
.
>
السلام عليكم ..
ردحذفياحلاة ايكاروس واهلها والله ..
بس اللي يحز بالنفس اخيتي ان ماكو
اهتمام من الغزو لي الحين !!!!!
للعلم انها جزيرة حلوه ولكن لم تستغل بالشكل الصحيح
للاسف ما طبيتها الا مره وحده وانا صغيير حتى ما اذكر شلون صايره!!
ردحذفحنا مشكلتنا بالكويت ماكو اهتمام بالصيانه ابد!!!
يسوون الشي ويصرفون عليه ملايين!!
ويهملونه لما يصير يلوع الجبد!!
ما قط رحتلها
ردحذفو انا صغيرة كان ودي
بس الحين كل ما اشوف
صورها يضيق خلقي
ما احب الاماكن المهجورة
تعور قلبي
ما ألومج لي حسيتي بالغصة وإنتي تشوفين هذي المناظر والذكريات :(
ردحذفعليكم بالعافية الرحلة :)
رحتلها مرة وحدة, قبل الغزو, بالعيد الوطني
ردحذفكان الموي يشيل ويشدخ وانا كلش مالي جبد
تقدرين تقولين اني ما شفت منها شي لاني استمرضت من العبارة
ودي اروح فيلجا..
ردحذفتسوى العنوة ولا لا؟؟
ومشكوره ..
نور حياتك
ردحذفوعليكم السلام..
تسلم وماعليك زود ، اللي يعور القلب الاهمال اللي صار فيها بالنسبه لي كانت الراحة النفسية وطيبه اهلها وعدم الشعور بالغربة :)
ارتفل
ردحذفصبحك الله بالخير :)
احنا كنا تقريبا اسبوعيا موجودين هناك لغاية قبل الغزو ، كلشي فيها غير تحس الجو طبيعي تصدق حتى لما رحتلها الحين الهوا صافي والمر عجيب كان :)
النور
ردحذفحياتي ما تسوى الحين الواحد يروحلها صج يعورج قلبج وعلى قولت ارتفل ما ادري ليش الاهمال اعادة اعمارها كانت سهله :(
امواج
ردحذف:(
الله يعافيج يارب وايد ارتحت لما رحت حتى لو في غصة :(
جندل
ردحذفياحياتي انتي ، سلامتج صج العباره ماتسوى لما يكون البحر موي :(
trendygirl87
ردحذفبصراحة الحين حدها يوم واحد لان باللي حدة صخة ولازم الروحة قروب ويعرف الجزيرة ومعالمها بصراحة بحرها حق السباحة حده روعة ومايتفوت :)
اوركيدتنا
ردحذفالتعليق عندي ما يطلع ينتّع
:(
ما شفتها..
توشكرين ع الصور
.*
المقوع الشرقي
ردحذفهلا وغلا حبيبتي ، ما أدري شنو سالفة التعليق :(
الحلو انج تشوفينه قبل الغزو بس الحين الفكرة مراح تكون ولابد :)
العفو حياتي :*
مساء الخير ..
ردحذفكنت دائماً أسمع أبها , بس أبداً ما توقعتها كذا !
يمكن ما تكون بالشكل اللي تذكرينه , بس أهم شيء أنها نفس الأرض اللي شالت ذكرياتك , ولازال يوجد فيها بقايا ذكرى ..
وإن شاء الله تصلح أحوالها , وأكيد راح تكون أجمل وأجمل
=)
أرق تحية لكِ ..
pen seldom
ردحذفمساء الانوار
اول كانت وايد احلى والحياه كانت حلوة وبسيطة عكس اللي يشوفها الحين :(
سايله احلى الذكريات والايام ... اللهم آمين وترجع مثل قبل :)
شكرا لمرورك