نسم علينا الهوا

نســم علينا الهوا من مفرق الوادي

ياهوا دخل الهوا خدني على بلادي

يا هوا ياللي طاير بالهوا

في منتورة طاقة وصورة خدني لعندن ياهوا

فزعانه ياقلبي اكبر بهالغربة ماتعرفني بلادي

خدني خدني خدني على بلادي

شو بنا شوبنا ياحبيبي شوبنا

كنت وكنا تضلوا تضلوا عنا وافترقنا شوبنا

وبعدا الشمس بتبكي عالباب وما تحكي يحكي هوا بلادي

خدني خدني على بلادي

:)

احب هالاغنية وخاصة وقت الريوق والجو يكون حلو في الشالية ومجابلة البحر

حد الرومانسية والمزاج العالي ، انا رايحة بيروت انشاء الله يوم الخميس اجازة صغيرة

اشوفكم على خير انشاء الله والجميع بصحة وعافية

:*

.

زحمة يا دنيا زحمة

.

.

لبست عيالي وركبنا السيارة المشوار كان الأفنيوز علشان العبهم

طبعا هذا كان على الساعة 6 تقريبا

وفجأة الشارع واقف وزحمة تنرفزت حدي ساعة الاربع علشان اوصل

مع العلم ماشفت ولاحادث بالشارع يسبب الزحمة

.

وانا بالزحمة والا ريلي يدق علي يسأل إذا وصلت والا

طرت على اغنية

.

زحمة يادنيا زحمة .. زحمة وتاهو الحبايب

.

رديت عليه بعصبية قلتله طبعا لأ للحين واقف بالشارع من الزحمة

.

قالي شرايج ردي البيت وزهبي عمرج وخل نروح الشاليه حق امي وخواتي

طبعا لاتشوفون فرحتي ما صدقت خبر لاني راح افتك من مشاوير الويك اند

وعلى طول اول يوتيرن ورادة البيت زهبت الاغراض وتوكلنا على الله

:)

ياحلو الجو عجيب واليهال طاشين يلعبون

وآنا قاعدة ومرتاحة بلا زحمة بلا عوار راس

.

بس بصراحة الزحمة بالكويت صايرة شي مو طبيعي يعني لازم اطلع قبل موعدي بنص ساعة

علشان اوصل بالموعد المحدد

.
الصورة بناء على طلب الغالية الزين

مبنى الشيخ سعد للطيران العام

.

في اجازة راس السنة رحت دبي بصراحة حبيت آخذ راحة واستجمام بعد تعب الولادة وما بعد الولادة وبخاطري كان اجرب الخطوط الوطنية من كثر ما سمعت عنها وعن مبنى الشيخ سعد بصراحة كانت الرحلة وايد حلوة واللي يجرب يطير على طيارتهم وما يجرب شركة ثانية من جميع النواحي الخدمة المكان وكفاية ماتتعطلين بروحج في المطار وبدون ازعاج مامداني اصور المطار بس اخليكم مع الصور اللي طلعتها من الانترنت

.

.

صورة طيارة الوطنية والشعار مالهم عجيب وايد عجبني على ابراج الكويت مع اللون البنفسجي الانعكاس كان وايد حلو
.

.

هذا مدخل قاعات الدرجة الأولى

.

.

قاعة الدرجة الأولى الرئيسية بالإضافة إلى قاعتين جانبيتين

وقاعة خاصة بالمدخنين وقاعة للطيارات الخاصة

.

هذي صورة الصالة الرئيسية في المطار

.




هذا محل ذات السلاسل الوحيد الموجود في المطار
.

طبعا المبنى وايد صغير ومريح ما فيه إلا محل ذات السلاسل

وستاربكس حاولت أطلع صورة ستاربكس بالطابق الثاني قعدته وايد حلوة تطل على ساحة المطار

.

بصراحة السفر مع الوطنية يستحق التجربة

:)