الشي الوحيد المتفق عليه بالكويت

.

نتهم بعض

.

نفرق بين الناس

.

ليبرالي يسب متدين

.

ومتدين يكفر ليبرالي

.

شيعي يقول هذا ناصي

.

وسني يقول هذا رافضي

.

بدوي يقول الحضر مايبونا

.

وحضري يقول المرأة مكانها البيت

.

وإمرأة تقول مسكوا الديرة الرياييل خربوها واحنا نبنيها

.

ونختلف ونختلف ونختلف

.

بس نتفق بشي واحد

.

.

.

.

.

.

.

.

.

.

.

.

.

.

.

.

المشروب المفضل في رمضان

كل عام وانتم الاجمل

عام 2009

قربت السنة على النهاية بحلوها وبمرها

.

فقدت ناس عزيزين علي وايد كنت اتمنى يشاركوني فرحتى بأعيالي

ويستقبلونهم معاي بس هذي حكمة ربي العالمين

الله يرحمهم برحمته يارب

:(

حبيت اعتذر حق كل شخص يمكن اكون زعلته بدون قصد

آسفة وسامحوني

.

يارب تكون سنه 2010

سنة حلوة على الجميع ويعم الفرح

:)

إذا مزعلين أحد راضوهم ترى والله الدنيا ماتسوى

.

كل عام وانتو بألف خيير

.

HAPPY NEW YEAR

.

كلمات أعجبتني .....

.

أنا إمرأة أيها الرجل
.
أنا من كرمني الله بالامومه و جعل قلبي ملجاً للحنان و الحب كالطفوله انا من وصى علي رسولنا الكريم بالرفق بي

.
و صورني بأجمل صوره

.

إن كنت آنسه...أو متزوجه...أو مطلقه...أو كنت ارمله..سأظل امرأه

.

لم يزدني الزواج كرامه و لن ينقصني الطلاق أنوثه و لن أخجل إن أصابتني العنوسه

.

فأنا امرأة.... بداخلي بحار من حنان و أحلام قرمزيه و في الحب ضعيفه و رقيقه و رومانسيه و في وجه الغدر جبل من صبر و قلاع فولاذيه

.

أنا امرأة... أبكي من جرح شوكة صغيره إن لمست جلدي اللطيف و أقف في وجه أي اعصار قد يقذف بقلبي الضعيف و كلما زادت طعنات الزمن لي كلما تحدى عمري النزيف

.

أنا امرأة... فرحتي بالحب كفرحة الطفل بلعبه جديده و لطيفه في المشاعر و فيه و مخلصه و في وجه الغدر قاسيه ومخيفه و وقت الجد أكون بمئة رجل و في المرح خفيفة الظل و لطيفه

.

انا امرأة... لست أسيره أو رهينه في يد رجل يريد لي الدمارإن أرادني شريكة دربه سأكون لطريقه المنارسأكون له سكن و مأوى و سأغمره بحب كالأنهارو إن أرادني كخادمة سأرحل عنه و أرفض بقوة الانكسارو أرحل عن الحب بلا عودة فأنا أرفض أن يكون الحب طريقي للانهيار أنا امرأة ....

.

هل عرفت من أنا أيها الرجل أو الزوج المحترم؟؟؟؟؟

28/12/2009

.

.

كل سنة احتفل بعيد زواجي بتاريخ 28/12

اسافر يومين او أحجز بفندق بالكويت حسب الظروف

.

الموعد قرب وما ني عارفة شسوي مثل ما أنتو عارفين انا الحين في فترة النفاس

.

مخي وقف من التفكير ما أدري شنو أسوي وما أبي هالسنة تروح علي

.

شلون احتفل هالسنة ؟

حج مبرور وذنب مغفور

.

.

روي عن النبي -صلى الله عليه وسلم- أنه قال:

(خير الدعاء دعاء يوم عرفة، وخير ما قلت أنا والنبيون من قبلي: لا إله إلا الله وحده لا شريك له، له الملك وله الحمد وهو على كل شيء قدير)

.

كل عام وانتم بخير

.

وتقبل الله طاعتكم

.

واللي رايحين الحج

.

حج مبرور وذنب مغفور بإذن الله

.

الولد طالع على امه :)

.

في سنه ثانية روضة قعدتني امي أنا واخوي من النوم وسبحتنا ولبستنا هدوم الروضة

.

وفي وقتها كنا قاعدين في بيت يدي الله يرحمة ويغفرله

.

نزلنا لغاية الصالة وحبينا يدي ويدتي

.

المهم في الطريج واحنا نمشي ونغني ويتشيطن اخوي ويدمرني طين من الشارع

.

ومن حرتي انا دمرته بعد ، لان الروضة يم البيت فكنا نروج مشي

.

وماشفت الا الشرار طلع من عين امي وطقتنا طق وردتنا البيت

.

ومع الزف يعصب يدي ويقول خلاص آخر مرة تودينهم ليش تزفينهم وتطقين شصار يعني غسليلهم وديهم مرة ثانية

بس من حرتها توة مسبحتنا ومبدلتنا ومن ذاك اليوم ابوي أخذ مهمة يودينا وييبنا من المدرسة لما تخرجنا من الثانوية

.

طبعا بناء على أوامر ابوي العود الله يرحمه :)

.

القصة سمعتها اليوم لما امي عصبت على ولدي بس بدون طق مثل ايام قبل توة مغسلتله وملبسته هدومه

.

شوي والا تالف عمرة بالعصير والكاكاو .. ومن حرتها قالتله ماكو فايدة تسوي سوات امك وخالك

.

وانا اناجرها واقولها انزين طقيه تقولي لا ياهل مايفهم ولما ييت ابي اطقة زفتني

.

بذمتكم مايفهم وعمره 7 سنوات واللي حرنا اقولها هو الحين ياهل ليش احنا ماكنا يهال

.

تضحك علي وتقولي تحطين حالج حال ياهل

.

والله اليدات مشكله ياويلنا اذا كلمنا عيالنا والا طقيناهم وعلى ايامنا ماخلو شي ماسووه فينا

لووووووووووووووووووول

.

.

غالية وعبدالعزيز

.

.

.

الســـعادة بقلبي مالهـا اليوم سعه

.

ومـابقى فيني من الصبر صبر

.

ابي أنحنـــني لربي وأشكـره

.

أعظـــــم شـــكر

.

وأرســــم الفرحة وأنسى الحزن ومدمعة

.

وأبشــــركم بـولادة

.

( غالـــية وعبدالعـزيز )

.

يـاأغلــــى البـــشر

.

.

.

الزيارة الأخيرة

.

اليوم كان موعد الزيارة الاخيرة قبل موعد دخولي المستشفى

.

الحمد الله كل شي طلع اوكي

.

يوم رحت اسوي السونار ما تتصورون فرحتى

.

وآنا اشوفهم ما أدري شنو اوصف شعوري كل شي اختلط مع بعض

.

الفرح والخوف والمحاتات وطول الشارع وانا ابجي

.

:)

.

وتقرر بعد هذي الزيارة دخول المستشفى يوم الاربعاء انشاء الله 4/11/2009

.

وموعد العملية الساعة 9 الصبح يوم الخميس 5/11/2009

.

.راح اسمع نصيحة الغالية جندل وآخذ ابرة الظهر

.

اللهم ياخالق النفس من النفس ويامخرج النفس من النفس ويامخلص النفس من النفس

.

خلصني مما آنا فيه

.

يارب

طق يا مطر طق ...

....

.....

نسأل الله أن يسقينا غيثا مرئيا نافعا غير ضار عاجلا غير آجلا

...

...

...

اللهم آآآآآآآآآآآآآآآآآآآآآآمين

....

إجازة نهاية اسبوع سعيدة

:)

مفـــاجأة :)

الوقت الساعة 11 بالليل تقريبا والبيت عندي حدة هدوء ومن كثر ما آنا تعبانة

قعدت بسريري استعد حق النوم بس بحكم اني ما أعرف انام إلا اذا ابونا كان موجود في البيت !!!

دقيت علبه تلفون اسأل عن موعد رجعته من الدوانية :

دمعة : الو مساء الخير يالغالي

مستر : هلا وغلا قولي

دمعة : متى بترد البيت من غير شر؟

مستر : ياي انشاء الله ليش تبين تنامين

دمعة : اي والله تعبانه ابي انام

مستر : انا ياي بالطريج لاتنامين عندي لج مفاجأة

دمعة : مفاجأة خير انشاء الله شنو هي ؟

مستر :لما اصول اقولج يلا الحين مع السلامة

دمعة : مع السلامة الله يحفظك من كل شر

وانا قاعدة انطر وصوله من غير شر واسمع صوته والا داخل علي والفرحة راح تنط من عيوني

ها خير انشاء الله شنو المفاجأة ؟

اقولج المؤجر راح يطلع من البيت آخر الشهر

شنو لاتقول ليش (حدي مستغربة !!!!)

بس انا قتله علشان نرمم البيت ونقعد فيه شرايج بالمفاجأة

تخيلو ويهي قام يقط ألوان وابي اصرخ ما أقدر قتله مو من صجك تتكلم ما أعتقد ان هذا وقتة ما باقي شي على ولادتي

اي شوي شوي ونكمل بعد الولادة

تخيلوا من كثر مو أنا معصبة ومحترة حطيت راسي ونمت

يعني مستحيل اقدر اسوي شي الا بعد الولادة بست اشهر على الاقل وثاني يوم لما قتله عصب على

:((((

يوم من عمري

من اليوم اليوم الاول لدخولي عالم المدونات ما حاولت الكتابة واكتفيت بالتعليق والمشاركة مع زملائي المدونين الكرام

بس اليوم حبيت تشاركوني فرحتى لان من اليوم بدأ العد التنازلي لوصول توائمي الحلوين وانضمامهم حق اسرتي الصغيرة

بتاريخ ( 5 نوفمبر 2009 )

الله يسهل على كل وحدة حامل ويسهل ولادتها خاصة

الغالية جندل

الغالية سبمبوت

الغالية اتيت متأخرا

الغالية احنا عشقناها

وحق كل المدونات العزيزات اللي ينطرون ضيف يديد

مبروووووووووووووووووووووك مقدما للجميع والله يخليهم من الذرية الصالحة

:)