يامسافر وحدك وناسيني

.
على غير العادة هالاسبوع الزوارة في بيت اهلي كانت مع الخالات والعمات
.
وناس داشه وطالع يسلمون على امي وابوي لان من غير شر مسافري
.
دايما هما اول الطيور المهاجرة عندنا :)
.
وكان اغلب الكلام اللي يدور عن الامتحانات والسفر وكل واحد يتحلى
.
على مكان .... إلا حبيبتي اختي هالصيفية بروحها في الكويت !
.
والسبب انها موظفة يديدة وماميش رصيد اجازات :(
.
أنا وريلها قاعدين نخربها ونقولها اخذي الاسبوعين بدون راتب
.
وهي تقول بس ، بعد حمدي الله العوض ولا القطيعة انتي محصله شي !
.
تسكت وابوي يهدد فينا لاتخربونها خلوها تلتزم ولاحقة على السفر
.
واحنا حدنا نطفرها راح نقد بالكافيه اللي تحبينه وناكل برد التووووووت :)
.
ودها شوي وتكفخنا واحنا ماخذينها ضحك
.
ما أحب لويه السفر وترتيب الجناط خاصة تحوشني نرفزة مو طبيعية
.
اخاف لا انسى شي !
.
غير السوق اللي ريلي يقول ماصارت قبل السفر سوق وبالسفر سوق ماتشبعون
.
اللي يشوفكم يقول ماعندكم شي ؟
.
بصراحة حتى انا ماني لاقيه تفسير حق هالحاله والتسوق قبل وبعد :)
.

انا عم بحلم ليل نهار

من رديت من

صارلي اسبوع معلقة معاي اغنية ماجدة الرومي انا عم بحلم

.

وأغنيها بكل مكان حتى مع عيالي لما ألعبهم :)

.

كل يوم ريلي يسألني متى راح يخلص حلمج ؟

.

ارد عليه وابتسامه عريضة مليت منها صح ؟

.

يرد علي صدعتي راسي فيها أسكت وما أرد عليها

:P

..

انا وامواج والتاج السلطاني

.

قوانين التاج السلطاني :-

.

- اذكر اسم من طلب منك حل الواجب

.

- تحدث عن سته اسرار قد لايكشفها من يقابلك أول مره

.

- حول هذا الواجب إلى سته مدونين واذكر اسمائهم.

.

اجابه السؤال الأول

.

الغاليه امواج هي اللي وهقتني بهالواجب :)

.

إجابه السؤال الثاني

.

1- وايد يشوفوني مغروره وبعدين يكتشفون العكس

.

2- ما أحب العزايم والاستقبالات بس أروح مجبورة

.

3- يبط جبدي اللي يدخل في خصوصتي ويسأل عن كل شي

.

4- خوافة حدي وجبانه حتى من النمله :)

.

5- تلوع جبدي من أقل شي وما أحب اجرب خصوصا بالاكل

.

6- اتكاليه لأبعد الحدود بس محد متوهق الا ريلي

.

اجابه السؤال الثالث

.

ناطره اجابتكم (ارتفل - المقوع - شيمونا -نيكون-النور-شوش)

.

http://artful-artful.blogspot.com/

>

/http://almagwa3.blogspot.com/

>

http://shaymooona.blogspot.com/

.

http://daraziza.blogspot.com/

>

http://al-noooor.blogspot.com/

>

http://shooshness.blogspot.com/

>

صدفة في الخيران

.

كل سنه قبل سفره الصيف متعودين ناخذ شاليهات في منتزه الخيران

.

هالسنه كنا وايد خايفين خاصة ان الغبار ملازمنه في كل ويك اند :(

.

بس الحمد الله ان هالويك اند بصراحة الجو ولا أروع والقعدة بالليل على البحر عجيبه :)

.

وايد استغربت ان ماي البحر كان وايد بارد !!!

.

بس صارلتني احلى مفاجئة وما كنت متوقعنها وانا قاعدة العب اليهال بالصاله

.

والا تي وحده وتسلم علي وتسألني اذا أعرفها
.

قعدت اطاعها فتره ولا قدرت اذكرها مع ان المفروض ما أنساها بس تفرقنا 20 سنه !

.

صديقتي من الابتدائي وكانت تزورني على طول في البيت وتنام عندنا واستانست حيل وجابلنا

.

بعض وقعدنا نتذكر سوالفنا والشطانه صج كانت ايام :)

.

بصراحة وايد استانست بالرحلة والاروع لما شفت رفيجتي

.

ابراج الكويت

.

صارلي اسبوع محكوره والسبب الغبار والحساسية !!!

.

ماتسوى على الطلعة حتى لو حق الجمعية ينعفس يومي كله

.

وما صدقت لما قعدت اليوم الصبح وشفت الجو

..

بدون غبار استانست :)

.

قعدت ريلي من النوم وقتله خل نتريق بره

.

واخذنا طريج البحر ويسألني وين تبين كنت وقتها قاعدة أطالع

.

البحر رديت عليه خل نروح الابراج ( أدري بتقولون قديمة )

.

خبري فيها لما حفلة التخرج من الثانوية وتغدينا فيها :)

.

استغربت ماتغير فيها شي من طريقة المطعم او حتى الطاولات

.

وطريقة الديكور انصدمتّ!!! المفروض على الاقل يطورون منها

.

البوفيه كان وايد عادي بس استانست على القعدة ومنظر الكويت

.

والبحرحسيت براحة نفسيه وريلي يضحك علي يقولي خليتي

.

كل الاماكن واخترتي الابراج :)

.

بصراحه ماهمني المكان كثر ما أنا ابي اغير جو حتى لوماكله

.

حلوم من شلاويط مع عصير برتقال راح يكون حلو على قلبي

.

.

.

صورة دسمان

.

.

هذا صحني

.

.

هذا صحن ريلي
.

33 العيد الاحلى

.

هذي الكيكة وحاطين شمعة وحده :)

.

اوركيده : ألو هلا يمه شلونج بغيت اقولج انا اليوم ماني يايه الزوارة بس راح اقط اليهال عليكم

.

أمي : خير انشاء الله عسى مافيج شي

.

أوركيده : خير بويهج لا بس ابونا اليوم عازمني على العشا

.

امي : ميخالف يمه قعدي معانا نص ساعة بس وامشي

.

أوركيده : انشاء الله راح اي على الساعة سبع

.

أمي : حياج الله ناطرينج

.

لبست ولبست اليهال ورحنا ولما وصلت وييت ابي ادخل اشوف ليتات مسكره

.

والبيت ظلمه شالسالفة ودخلت اتسحب على ليت التلفون

..

وبطلت باب الصاله والا اخوي يبطل الليتات واسمع الصراخ

.

HaPpY BiRtHdAy To YoU

.

وانا ناسية ان اليوم عيد ميلادي وخربو المفاجأه على ريلي

.

لما سألته شنو مناسبة العشا اليوم وخله يوم ثاني مارضى يأجله !

.

قعدت معاهم وطفينه الشمعة اللي حاطينه استانست انهم حاطين شمعة وحده :)

.

وطلعت كملت باجي اليوم مع ريلي وبصراحة كان اليوم وايد حلو ومابغيته يخلص

.

السنه هذي وايد كانت حلوه على بفضل الله رزقني فيها بعيالي غالية وعبدالعزيز

.

وانتو اخواني وخواتي اللي تشرفت بمعرفتكم من خلال مدونتي الا اذا ما قريت

.

شنو كاتبين حتى لو ما أعلق احس ناقصني شي .

.

مشكوره يأحلى أم وأحلى أخوان سعادتي ماني عارف اوصفه بمفاجأتكم لي

.

ريلي وحبيبي ودنيتي كلها الله يخليك لي ولا يحرمني من وجودك يمي

.

.

ازواج للبيع

..
تم في احدى الدول فتح متجر لبيع الازواج حيث يمكن للمرأه الذهاب

.

واختيار الزوج المناسب لها ؟
.
وكانت شروط دخول المتجر للتمتع بالخدمه :-
.
1-للمرأه فرصة واحده للدخول
.
2-يمكن الاختيار من الطوابق صعودا للأعلى

.

ولايمكنها الرجوع للاسفل مره أخرى

.
دخلت إحدى النساء لاختيار زوج وفي مدخل الطابق الاول وجدت

.

عبارة تقول :
.
الرجال هنا لديهم عمل ومؤمنون بالله
.
وفي مدخل الطابق الثاني وجدت عبارة تقول :
.
الرجال هنا لديهم عمل ومؤمنون بالله ويحبون اطفالهم
.
وفي مدخل الطابق الثالث وجدت عبارة تقول :
.
الرجال هنا لديهم عمل ومؤمنون بالله ويحبون اطفالهم وشكلهم جذاب
.
واخذت المرأة بالتفكير وقالت واو ولكن سأستمر بالصعود لعلي

.

ارى الافضل!
.
وعند وصولها الى الدور الرابع وجدت عباره تقول :
.
الرجال هنا لديهم عمل ومؤمنون بالله ويحبون اطفالهم وشكلهم

.

جذاب ويساعدون زوجاتهم في مهام المنزل ولديهم قابليه رومانسيه

.

عالية لمغازله زوجاتهم
.
فتكلمت بينها وبين نفسها ياالله سأوافق ولكن سأستمر في الصعود
.
وفي مدخل الطابق الخامس وجدت عباره تقول :
.
انتي الزائر رقم 4363012
.
ليس هناك رجال في هذا الطابق ولكنه وجد خصيصا كبرهان ان

.

النساء لايمكن ارضاؤهم باي طريقة وشكرا للتسوق في متجر بيع

.

الازواج وانتبهي لخطواتك وانتي تخرجين ونتمنى لك يوما سعيدا

.