بين فترة وفترة نلتقي انا وصديقاتي على العشا في أي مكان نتفق عليه
في هالمرة حبيت أسويها عندي لان يصادف عيد ميلاد وحدة منهم
وكان الشرط الحضور بالزي التنكري ويكون مضحك :)
.
الحفلة كانت وايد حلوة ومتنى من الضحك والوناسة
بصراحة بدعو باللبس
.
بس في آخر الحفلة قعدنا نسولف وحدة منهم طرحت موضوع بيت حمولتها
وشلون هي متضايقة من اهتمام زوجها فيهم مع العلم انه وحيدهم وحاط باله على امه وخواته
.
دخلت معاها بنقاش لان ماعجبني اسلوبها لان اهل زوجها ذهب وما يذكرونها الابالخير مع ان هي مقصرة من ناحيتهم
.
وقعدت اقولها انا اقرب مثال عندها ماودي اطلع من بيت عمي قاعدة افكر شلون اخليهم بروحهم
ردت علي بعصبية انتي غير ما أدري شلون متحملة !
.
ما حبيت اناقشها اكثر لان حسيتها ماراح تغير اللي براسها وانها بس ودها تتملك زوجها
.
السؤال اللي ماني لاقيتله اجابه :
ليش بعض الحريم مايحبون بيت الحمولة حتى لوكانوا زينين وشايلينهم على كفوف الراحة ؟
.
والله ما ادري يمكن اهي عقدة من زمان توارثتها الاجيال!!
ردحذفانا عن نفسي وايد احب بيت حمولتي ومابي اطلع منهم كلش !!
يعطيج العافية :)
السلام..
ردحذفلانهم مو كفو نعمه :\
المفروض تعدهم حسبت اهلها و حلو انه الواحد يهتم باهله وبيته مدام مو مقصر بحق ال2 لازم تشجعه ع هالشي ..
الله يرزقني حمولة سنعه :)
ومرسي..
Engineer A
ردحذفتهقين عقدة يعني المفروض احنا متعلمين وعارفين ؟
الله يهنيج فيهم يارب ويسعدج وياهم الله لايغير عليكم
:)
رورو الشخبوطة..
ردحذفوالله يمكن معاج حق مو ويه نعمة بس تصدقين تكسر خاطري خالتها كلما اشوفها طايره فيها .
يارب يرزقج ريل يحبج وتحبينه وحموله يموتون عليج
:)
ولا انا لاقيه له اجابه
ردحذففي الزين وفي الشين
يمكن نفس ما قالت انجينير ان عقده .. تلقينها قبل لا تتزوج واهيا تسمع عن بيت الحموله وحطت هالافكار ببالها وليلحين معتقده بهالشي
بالنسبه لي افضل السكن في بيت الحموله خاصه اول ايام الزواج ... يمكن لاني احب اقرقر ما اعرف اقعد بروحي ههههههه
شاي الضحى
ردحذفالله يبعد عنا العقد يارب
اي والله صدقتي لا وبعد يطلع ريلج من النوع اللي يروح الدوانية والا شغلة شفتات على الاقل في احد يونسج
:)
نا اؤمن بالاستقلالية
ردحذففي السكن
والخصوصية
..
وفي بنات تحسبينها داخله حرب مو زواج
حاطه دوبها دوب الحمولة
تبي الريل حقها مقها
:)
واحشاني
واشلون اليهال
حبيلي اياهم
المقوع الشرقي
ردحذفهلا وغلا وانتي كثر ، واليهال طيبين حبتج العافية انشاء الله.
حلوة الاستقلالية اذا حصلت بس المشكلة في اللي تدخل على حمولتها وبراسها هالافكار .
ولـو اني ما تعديت الـ 16 يعني للحين ما تزوجت عشان أعلق عالموضوع لـول بس انا أشوف ان ماكو فرق بين بيت اهل ريلي و بيت اهلي اذا كانو خوش ناس و يعاملوني كبنتهم ، بالعكس اهتمامي لهم من اهتمامي لزوجي ، و حلو إن الريال يكون مهتم بأهله ما فيها شي يعني ، خو الي ما فيه خير لاهله مافي خير لي !
ردحذفالله يهدي بعض البنات بس :×
شكراً ..
ثلجية القلب والإقراط
ردحذفحبيبتي العمر كلة انشاء الله والله يكملج بعقلك وتصيرينين احلى جنة :)
حياج الله ونورتيني
ما تعرف قديري لما تجرب غيري
ردحذف!!!!
بليز شيلي الـ
ردحذفword verification
:)
ARTFUL
ردحذفحياالله بوشيخة تو مانور المكان
:)
اي والله لما يجربن الحمولة اللي صج ماترحم بس شنو فايدة الندم بعدين
ARTFUL
ردحذفانشاء الله بس المشكلة عرفتوني فيه
:)
السلام ... =)
ردحذفأعتقد هالشي يعود لشخصيه البنت وطبايعها
والي تعلمت من اهلها
وعن نفسي افضل الاستقلاليه والخصوصيه
خصوصا انها حياه يديده
لازم تكون بين اثنين بس :)
Fiona Al-sharekh
ردحذفوعليكم السلام والرحمة
انا ما أختلف معاج كل شي له خصوصية بس المشكلة في حب التملك ليش يساعد اهلة وشايف طلباتهم
حياج الله ونورتيني
:)
توني اشوف هالبوست
ردحذف:)
ريلي ولد واحد بين خمس خوات... علاقتي معاهم جدا طيبة وبما ان عمي ابو زوجي متوفي وعاطل عن العمل فزوجي اول شي عنده امه وخواته... وما عندي مشكلة بهالشي (هذا حق وواجب)... لأن عندي اخوان اطالع الله واطالعهم, فلازم احب حق حمولتي اللي احبه حق نفسي وحق امي!
:)))
بس هم مفتكة من حريم الحما!
جندل
ردحذفهذا من اصلج الطيب ويابختهم فيج وانشاء الله يارب اخوانج يرونج وعيالج بعد اللهم آمين
:)
اها طاعنا مثل بعض بدون حريم حما تصدقين لما اسمع السوالف اقول الحمد الله على النعمة
:)