صارلي اكثر من موقف في العيد واحد منهم طول يوم العيد اتحلطم عليه اول
.
ما يفضى بيتنا من اللي يعايدون :)
.
الموقف الاول
.
احترت مع الحريم اللي يسلمون وحدة تبوس اربع بوسات على كل خد وحدة :)
.
والثانية بوسه على الخد اليسار واربعة على اليمين لازم المجموع 5 !
.
.
والثانية بوسه على الخد اليسار واربعة على اليمين لازم المجموع 5 !
.
وانا ضعت شوف التلخبط ما أدري اللي جدامي اي نوع من السلام تبي والا اذا نقصت العديد تسحبني
.
وتكمل البوسه الناقصة ... واتحلطم على امي وخواتي يعنى خل يوحدون السلام والا مره ثانية
.
راح اقول ممنوع البوس سلام باليد فقط ترد علي امي تأقلمي مع اللي يسلم عليج وشوفي طريقته !؟
..
فكينه من التحلطم .. بعد وانا صاجة كل واحد يسلم على كيفه انا خابرتها اربع بوسات كل خد وحدة :)
.
الموقف الثاني
.
في صلاة العيد من كل سنة خالتي متعلمه توزع عيادي بعد صلاه العيد على الخدم اللي ايون الصلاه
.
مع معازيبهم واليهال واحنا نسمع الخطبة لمحت وحدة من الحريم تبي تقوم واشرت على خدامتها
.
اسألت خالتي منو تبين قالت ما عليج امر ابي اعايد خدامتج وبعطيها المقسوم ... تخيلو ترد على خالتي
.
لا لاتعطينها وخذتها ومشت !!
.
استغربت من رد المعزبه انزين ليش تقطع رزقها حرام بالعيد ومسلمه ومتغربه تحرمها من فرحتها
.
قعدت اقول يمكن خايفة انها تخترب بس هذا مو سبب اللي تبي تخترب والا تسوي شي مو ناطرة
.
العيدية علشان تتخرب استغرب من سلوك بعض الناس !
.
فعلاً أنا أتفق معاك أن أساليب البوس متنوعة وتحتاج إلى توحيد، أولاً لمنع اللخبطة في فر الوجوه وثانياً لتفادي إصطدام الخشوم.
ردحذفالسلام عليكم
ردحذفتصدقين عاد انا نفسج وايد محتاره من سالفه البوس
ترى صج يعني نضيع ، خل يوحدون عدد البوسات و يفكونا
و انا لو راجعه علي جان سلام بالايد و بس
شماله كل ما يت وحده اعرفها ولا ماعرفها تخمطني و تبوسني ستين بوسه شماله بالله هذا ؟
اي و الله و انتي صاجة خصوصا اذا المعزيم وايد احس ييني صداع يومين من كثر السلامات ههههه الله لا يقطعها من عادة
ردحذفو صج المعزمة الله يهديها و يصلحها بس الناس اجناس و طبايع
Basees
ردحذفاي والله مو بس الخشوم اللي تروح فيها حتي تصادم الويهمن التدوده :)
نورتيني
Hope
ردحذفوعليكم السلام والرحمة
تهقين نسوي حمله توحيد البوس :)
ساعات اسويه بس امد ايدي اذا وحدة ما أعرفها بس يختج هي تمدويها وتبوس بعد مايصير اردها :)
اميره عربية
ردحذفانا اذا معزومة لازم اروح مبجر علشان ما أسلم وايد اقعد مكاني واللي يشوفني اي يسلم احسن من ادخل متأخرة وافتر على الكل :)
صج الناس اطباع بس يعني احنا قول عيد والواحد يفرح هالفقاره المساكين
ههههههههههه ونسني موضوعج .. وانتي الصاجة الحريم اشكال والوان بالتبوس .. بس مثل ما قالت لج الوالده الله يحفظها لج .. تاقلمي مع الناس .
ردحذفبس سالفة عيادي الخدم .. ما عندها سالفة سالفه معزبتها ,, او يمكن انحرجت المعزبة لانها ما عايدتها اهيا .. فشلون الغريب ...؟؟ الناس طماشة .. بس خوش موضوع .ويعطيج العافيه
البوس !
ردحذفمع الوقت يصير عندج استشعار لنوعية اللي جدامج
وتحددين البوس جم وحدة وشلون التوزيعة
وسلامها بالإيد والا تلم والا ولا شي!
والحريم الكبار بوسة ع الراس
والبنات الصغار تمطخ وتقرص... هذي أحلى فقرة
:)
***
العيدية..
لووووووووول ، هذي نحيسة ! شنو هالطبع ..
الله يهديها ، حتى لو خادمتها مأذيتها ، موزينة ..أي شي ، بس ما كو شي يبرر نحاستها..
على الموقف الأول ..
ردحذفأنا بعد معاج وايد اتعلق ومادري كل وحده شلون صاير سلامها!!
أنا أقوله بوسه وحده كافي والسلام بعد ليش ستعش الف بوسه؟!! :))
وعلى الموقف الثاني
صج في ناس مادري شلون يفكرون.. يعني هالعيدية صدقة.. وخل هالمساكين المتغربين والبعيدين عن أهلهم يسترزقون! بس الواحد ما يدري شنو من بشر يصادف بحياته << للأمانه الجملة مقتبسه من جملة حسين المهدي في زوارة خميس لما يقول لخالته نادي " انتي شنو من مخلوقه" !! :)))
وكل عام وانتي بخير
هههه احب ابوس 2 يميين ..
ردحذفطفارتي بو 4
اوركيده ..انا لو من خالج اقولها اهوووو وخري بس ..
جاكليته
ردحذفانشاء الله دوووم مستانسه يارب :)
والله حاولت اتقلم بس لابد من التدعم والتخبط بس يله عدت :))
والله ما أدري شقولج او يمكن من النوع اللي مايقط على الخدم شي ؟!
مي
ردحذفقمت احاول اعرف اريح شي الحريم الكبار بوسه على الراس مع اليهال على كيف كيفج التخمط من كل مكان :))
انا قاعدة اقول حده نحيسة والا شحقة تقطع رزق المره ؟
Engineer A
ردحذفشكلي راح اوحد سلامي بالايد وبوستين وكافي يعني المحبة مو عدد البوسات :)
الناس اطباع والنحاسه شكلها زايدة خاصة مع الخدم :)
زين الزاد
ردحذفالاقتصاد حلو شحقة الكلافة :)
الناس عيد ومابقت ادش بالمناوشات اللي ملهاش لازمة :)
عيدكم مبارك
ردحذفبعد كيفها ما تبي تخرب خدمها باجر ايون يقولون ما نبيج ماما البيت الثاني يوزعون فلوس
p;
ارتفل
ردحذفايامك سعيدة علقت عندك بعدين شفت انك منورني :)
اللي يبي يخترب على دينار !؟
وبعدين هذا عيد هالفقاره يبون يستانسون :)
حطي لافتة يمج غير قابل للبوس عشان يسلمون عليج بس بالكلام :p
ردحذفوالله يا أوركيدة آنا مثلج أتنرفز من هالسالفة
مادري شنو نوعية الناس بالبوس
يوم والثاني يطلعون بشكل يديد !!
بس مع هذا لما أسلم على ناس من زمان مو شايفتهم أستانس :)
امواج
ردحذفابشرج حطيت لي قانون بوستين فقط :)
آسفة على التأخير بالرد