.
الموعد كان قبل اسبوعين الساعة عشر الصبح يتصل علي زوجي الحبيب زهبي الجناط
.
عندي سفره شغل وراح آخذج معاي الطياره الساعة 7 المغرب اليوم !!!
.
مو من صجك مايمدي يرد علي عندج اكثر من 6 ساعات
.
ما كان جدامي الا كلمه انشاء الله وتامر :)
.
المهم كلمت خالتي علشان اليهال وزهبت الجناط حسيت نفسي مثل الساعه
.
بس علشان لا أنسى شي ...
.
صارت الساعة 5 وناديت الخدم علشان ينزلون الجناط واتجهنا الى المطار
.
بعد ما خلصنا وطارت الطياره والوجه كانت القاهرة ..
.
وبالفندق احط الاغراض التفت ما ألقى لابتوبي واسال ابونا ويضحك
.
يرد علي هالسفرة بدون كمبيوتر ولا انترنت علشان ترتاحين :)
.
حسيت اني ضايعة بدونه حتى بالفندق مايخليني استعمل الكمبيوتر :(
.
السفره كانت وايد حلوة وماكنت احس بالوقت مع اللويه والسهر
.
طول فتره الرده وانا اغني اغنيه هانحن عدنا ننشد الهولو عدنا للمدينه على متن السفيه ....
.
ها نحن عدنا ياكويت على شواطئك الجميله
.
على قولت ريلي من وين مطلعتها !
.
انتو شلونكم وشخباركم ولهت على سوالفكم ؟
.
جندل لما سمعت يرجى تجليس المقاعد تذكرتج وفي نجيب محفوظ بعد :)
.
الحمدلله على السلامة وعليكم بألف عافية
ردحذف:)))
لوووووووووووول ضحكتيني على تجليس المقاعد
لج وحشة من فريج كات ان ذا هات لي فريج خان الخليلي
نورت الكويت بعودتكم
:*
الحمدلله على السلامة وعليج بالعافية
ردحذفنورتي الديره :))
الغاليه جندل
ردحذفالله يسلمج من كل شر والله يعافيج :)
انشاء الله الضحكة ماتفارقج يارب ، والله انا ماتتصورين شكثر ولهت على المدونات وسوالفج الحلوة ، الكويت منوره بأهلها :*
كل مكان امشي في بالقاهرة اتذكرج ، المحروسة تنطرج مالج روحة لها ؟
Engineer A
ردحذفالله يسلمج يارب ، والله يعافيج
الديرة منوره فيكم :*
صباح الخير
ردحذفالحمدلله على السلامه
شلونكم عسى استانستوا؟؟
:)
ارتفل
ردحذفصباح النور والنوير ، الله يسلمك يارب
اي والله الحمدالله :)
شلونك وشلون البنات الحلوين ؟
وناسه أحب السفرات اللي فجأه :)
ردحذفمع إني أميل للتخطيط أكثر
الحمدالله على السلامه
و عليكم بالعافيه :)
Princess Sara
ردحذفالله يسلمج ويعافيج :)
انا ما احب عنصر المفاجأه بس شسوي ابونا دايما قراراته سريعة وتعودت عليها والسبب شغله :)