قاعدة بروحي ومندمجة بالتلفزيون واسمع صوتهم ينادوني بنتي وزوجي كل واحد فيهم يسأل الثاني هو يقولها وين ماما وهي تقوله بابا انا اسأل اول وين ماماتي وانا ساكته :))
فجأه يبطلول باب غرفتهم والا انا قاعدة اطالع سالي (رسوم الكارتون اذا تذكرونه)
ويقعد هو وبنته ميتين علي من الضحك طالعتهم قتلهم وايد شكلي يضحك يعني !
قالي لا بس ماتوقعنا مجابله من صج ومتابعة ومتأثر ردتي علي بنتي ماما هذا مال بيبي ليش تشوفينا؟
ميخالف الكبار والصغار يشوفونه ، لا ليش لما اطالع شي تقولين قومي والا فريه هذا مال كبار
قعدت اطالعها ومارديت توهقت ،ريلي قال يله فجي عمرج الحين انا بروح العب مع اخوانج تروحين معاي
يعني بغير الموضوع وهي طالعة قالتلي خلاص ماما انا راح اطالع بعد افلام الكبار !
بدون تعليق والله جيل ماينقدر عليه .
بصراحة احس بمتعة كبيرة وانا اطالع سالي والا فلونة احسن من افلام الكرتون اللي الحين مافيهم متعة غير الطق أول كان فيهم هدف ويعلمون وايد اشياء
.
للحين ريلي يعايرني ويقول حق خالتي وينج يمه صار عندنا بيبي كبير واحنا ماندري
بس عقب مافهمت خالتي القصة ترد عليه بيبي عود بس حلو احلى من كل اليهال
لووووووووووووووول
اجابة على سؤالج: كنت اتسبه عالسندباد
ردحذفاما سالي وفلونة هذا جيل اختي الصغيرة... تتر المقدمة كان يطحن (انا قصة انسان انا جرح الزمان انا سالي سالي)
واللي كنت استلطفه رانزي ايتاواه وكنت اكره ام حيات يوكو كاميا لووووووووووووووووول
تصدقين هالكارتون يذكرني بألبوم ماجدة الرومي (انا عم بحلم)... لا تسأليني ليش... هبينا فيهم بنفس الفترة!
شكرا على هالبوست الظريف
:)
قبل ما كنت احب سالي
ردحذفالي احبهم مدينة النخيل وصاحب الظل الطويل وماروكو وبومبو وطمطوم وعبقور وحكايات عالميه
باختصار كل شي هههههههههه
وسالي حبيتها عقب :)
من صجج سالي وبس وفلونه طبعا اكثر كارتونز تاثرت فيهم وفيه طبعا اشياء جانبيه مثل حكايات عالميه. ساندي بل. لوسي. بس سالي لاااا غير غير كلنا كنا نتابعه.
ردحذفجندل
ردحذفما ادري ليش ما حبيته السندباد !
اما الاغنية هبيت فيها فترة مع اغنية الجريدة وكن صديقي
العفو ياعسل
:*
شاي الضحى
ردحذفاي بومبو حلوة بس ما تذكر الباجي :(
بس سالي عندي توب
:)
Tekana
ردحذفصح سالي وبس
:)
أنا أحب سالي وجورجي وجودي ابوت وبوليانا وليدي وفلونه وهايدي << لووول ماخليت شي :)
ردحذفالحين اشتريهم لعياليواقعد اطالع معاهم p;
أنا اموت على سالي حبيبت قلبي المسكينة
ردحذفوماروكو وصاحب الظل الطويل وأليس وحكايات عالمية وغيرها وايد أحب مالوت اول وأطالعهم للحين :)
فلونه حلوه ومفيده احس مو لصغار بس..
ردحذفسالي عيبه نكد شوي جنه مسلسلتنا خخخ..
انا احب اكو وماروكو وجودي ابوت ..
ومشكوره..
والله قريب البوست اكثر من مرة بس اعذريني مش بفهم اللهجة الكويتية !
ردحذفEngineer A
ردحذفاي والله رسوم المتحركة ملوت اول غير ، والله احسن لهم وطالعي عليج بالعافي على كثر ما تعيدين ماينمل منهم
:)
كوكتيل
ردحذفعليج بالعافية طلعت مو بروحي اللي اتابع
اشوه
:*
رورو الشخبوطة
ردحذففلونة حلوة بعد تصدقين الذاكرة احسة مو تمام في وايد اشياء ماني ذاكرتها
:)
ببط الجربه ... ما كنت اطوف و لا حلقه .. بسر طبعا بذاك الوقت ما كنت ابي اغامر بسمعتي .
ردحذفاتوقع نفس الشي ينطبق عليكم بمسلسل " الكابتن ماجد"
Sharm
ردحذفحياك الله ونورتني اووو
:)
اترجملك : الحكاية عن روسوم كارتو انا بحبها وكنت متبعاها وجوزي وبنتي بيدورو علي والا انا منسجمة مع الكرتون :)
سؤالي اي كرتون كنت متابعه
تحياتي
:)
Sami
ردحذفوالله محد فاهميني غيرك صج كنت احب كابتن ماجد واحطه حق ولدي
:)
انا من الحين خايف من أسئلة بنتي وشلون أشرح لها وافهمها
ردحذفلانها مبنيه ام لسانين
P;
ارتفل
ردحذفالله يخليها لك يارب ، الله يعينك ولا تييك اسأله حدها محرجة واكون انا معاها بروحنا والا تبي تعرف تعال فجج
:)
سالي؟
ردحذفزين ما دخلوا عليج وانتي تطالعين الحلقة الأخيرة
أذكر إنها كانت يوم الخميس ، واحنا متجمعين بالزوارة ، والكلينكس ما لحق على دموعنا ....
هههههههه
مو ناسية هاليوم !!
كان شكلنا تحفة ، جنه نطالع فلم هندي