اليوم كنت معزومة في بين خالتي بناتها مسوين لها
.
مفاجئة حفلة بمناسبة عيد زواجها ال 25
.
قعدنا نتذكر معاها عن ايام خطبتها وطبعا بما اني
.
انا اكبر احفادهم وكنت عايشة عند يدي الله يرحمه
.
كنت حاضره كل شي وكنت وايد دلوعة وشيطانه ومساكين
.
خوالي وخالاتي كله يدي زافهم علشاني وياويله اللي ماينفذ طلباتي :)
.
بصراحة اتذكر واضحك شلون كنت اسوي هالسوالف !
.
خالتي كانت كلة تقول ابي اتزوج شايب نفس ابوي علشان
.
يحبني ويدلعني ( نظري الشايب يدلل ويدلع)
.
في يوم كنا قاعدين على الغدا وقال يدي حق يدتي اليوم بيوني
.
رياييل يخطبون بنتج وكلهم علامة استفهام كانت مفاجئة !
.
وذاك اليوم حوسه عند يدتي وخالتي طايره من الفرحة حتى قبل
.
لاتعرف شي عن المعرس وقرب موعد وصولهم وبس سمعنا صوت
.
الجرس نقزنا انا معاها وخالاتي على الدري نشوف ويافرحتها لما
.
شافت الشايب داش ما صدقت ان امنيتها تحققت :)
.
واهما يقولون لها مو صج وايد كبير وهي تقول كيفي ياحلوة
.
وقعدت تتغزل فيها وخالتي تقولها الحمد الله والشكر الله يعطيج العقل
..
وبعد موافقة الجميع وتحديد موعد الملجة وبيوم الحفلة ولما قالو
.
المعرس وصل ولما دخل ما تتخيلون شلون كان ويها لما دش
.
وطلع مو اللي كانت متوقعتها :))))
.
ويها قام يقط الوان واللي فهمته بعدين ان هي رفضت تشوفه بحكم انها
.
شافته من الدري وهو كان يستحي ويدي ماكان فاهم السالفة عدل لكن
.
هاليوم الكل مات عليها من الضحك حتى يدي وخوالي لما اعرفو السالفة
.
البنات ميتين من الضحك ويقولولها ها تبين تغيرين ابوي
.
للحين تبين الشايب وهي تقول ومستحيها لا ما أبدله الحين
.
صار احلى شايب ( يمه يا عيارتها الحين صار حلو )
تدرون طلع الشايب عمها ابو زوجها وللحين عمها من عقب ما درى
.
بالسالفة يموت عليها ويقولها حسافة ما كنت ادري بالسالفة في وقتها:)
.
والله كانت ايام حلوة وهي للحين محتره وتقول حق عيالها محد كان
.
مناشبني غيرها لاني اذا ماخذتني معاها بالطلعة وقت الملجة كنت اقول
.
حق يدي ويزفها ويقولها عيل قعدي ماكو طلعه الا اذا اخذتيها
.
كانو يقصون علي بالحلاو يودون الجمعية ويردوني البيت :)
.
